主页 > W超生活 >皇牌汤底 啖啖都係胶原蛋白 牛迷沾麵+低卡荞麦麵+ >

皇牌汤底 啖啖都係胶原蛋白 牛迷沾麵+低卡荞麦麵+

2020-07-25
阅读指数:989
(Presented by 鹤亀)

日本拉麵相信无人不爱,但每到盛夏总係想食得透心凉啲,所以沾麵同荞麦麵喺呢个季节就变得好受欢迎!一年几前喺尖沙咀开业嘅「鹤亀」,正係近期由拉麵、沾麵、荞麦麵,以至汤底都做得几出色嘅本地代表,亦因此入选「必吃食店大奖 2019—最回味食府金奖」!

 

皇牌汤底  啖啖都係胶原蛋白     牛迷沾麵+低卡荞麦麵+
店内有一黑板,以漫画形式轻鬆分享皇牌汤底嘅製作过程。

 

足料胶原蛋白汤底

假如大家有试过「鹤亀」嘅拉麵,就必定会爱上佢哋嘅皇牌白汤汤底!每日用大量猪骨、猪筒骨、鸡肉、鸡骨、鸡脚,加上少量新鲜蔬菜,足料熬煮8小时后,再温焗一晚(约12小时),等汤底完全吸收食材嘅味道同精华,然后再喺翌日加热,搅碎汤料,经三重网过滤好所有骨渣,变成入口顺滑滋润、味道极度鲜甜,每啖都满载丰富胶原蛋白嘅皇牌汤底!好多客人试食过后,都会为咗呢个既好味养颜又性价比高嘅汤底而重覆光顾。

皇牌汤底  啖啖都係胶原蛋白     牛迷沾麵+低卡荞麦麵+
皇牌汤底由熬煮8小时、温焗12小时,再到搅碎汤料,经反覆3次过滤至极幼滑口感,每个步骤都花尽时间和心思。

 

 

牛迷必食:慢煮安格斯牛沾麵

虽然沾麵係拉麵嘅一种,但就因为冷麵热汤、汤味更浓郁嘅关係,而成为日本其中一种最具代表性嘅美食。而小店近日就推出咗几款新口味麵食,包括专为牛迷度身设计嘅「黑松露慢煮安格斯牛沾麵」!每份都有150克美国特选 CHOICE安格斯牛,份量十足。由于油花较少、肉质柔润,配合太麵(粗麵)沾汤嚟食,亦唔会令人觉得太浓或太腻。利用55度低温慢煮2.5小时后,再以明火将外皮轻炙至少许焦香,营造出外脆内腍嘅双重口感。呢款沾酱用咗皇牌汤底,加入矜贵黑松露增香,仲有大大粒北海道帆立贝佐食,算得上係豪气之选!

皇牌汤底  啖啖都係胶原蛋白     牛迷沾麵+低卡荞麦麵+
黑松露慢煮安格斯牛沾麵(150克) $188。选用美国 特选CHOICE安格斯牛,即使配合较浓味嘅沾汤食用,亦唔会有一丝油腻感,而沾汤仲特别加入松露嚟增添独特风味。

 

惹味有营: 柚子三文鱼扒沾酱麵

同样係冷麵热汤嘅新口味推介,仲有用咗成块炙烧三文鱼扒,配以皇牌汤底、柚子酱油调製嘅沾酱麵。三文鱼扒煎香后香气馥郁、鱼肉甘香丰腴,配合富有柚子清新酸甜香味嘅沾汤食用,令人胃口大开!三文鱼本身含有丰富Omega 3,又係瘦身同健身时期都建议食用嘅超级食物,绝对唔驶吓吓计住热量就住食用。自问对拉麵不离不弃嘅你,可以点叫番长期大热嘅海老帆立贝拉麵,同样有皇牌汤底、虎虾、樱花虾,同埋自家製叉烧嘅加持!

皇牌汤底  啖啖都係胶原蛋白     牛迷沾麵+低卡荞麦麵+
柚子炙烧三文鱼沾麵($138) 。三文鱼有营味美,适合任何人士食用。三文鱼扒经煎香后,油鱼香气四溢,配以清新柚子味沾酱平衡味道,适合夏日食用。

 

皇牌汤底  啖啖都係胶原蛋白     牛迷沾麵+低卡荞麦麵+
海老帆立贝拉麵 ($158) 。皇牌汤底加入北海道3S级帆立贝、虎虾等贝壳类海鲜后,风味更佳!大大片自家製叉烧,为味蕾赋予锦上添花嘅效果。

 

夏日推介:柚子荞麦麵配野菜天妇罗

天妇罗荞麦麵被喻为日本女生夏季至爱嘅麵食首选!一份荞麦麵热量少于 400卡,高纤低卡之余,仲有甘香麦味,更含维他命B群同芦丁,帮忙提升活力、抗氧化同维持心血管健康。今次特别配以新鲜蔬菜天妇罗,既提供到足够膳食纤维,又满足到想食香口嘢嘅乐趣。配以清新柚子鲣鱼酱汁食用,更加突出每种时蔬本身嘅唔同鲜甜味道。

皇牌汤底  啖啖都係胶原蛋白     牛迷沾麵+低卡荞麦麵+
柚子荞麦麵配野菜天妇罗(午市$ 65,晚市$93) 。建议第一口别沾酱汁,直接食用荞麦麵。之后每次只把3分1荞麦麵沾上酱汁,最能品味到荞麦麵本身的爽弹清香。

 

 

由即日起,每逢星期一至五,只要喺指定午市时段(11am-3pm)光顾,老闆仲会送你九折优惠,再加送2只日式煎饺子㖭!

 

皇牌汤底  啖啖都係胶原蛋白     牛迷沾麵+低卡荞麦麵+
店内环境不大,但每枱之间有足名空间,坐得舒服。

 

皇牌汤底  啖啖都係胶原蛋白     牛迷沾麵+低卡荞麦麵+
尽管店面不大,但只要经过必然会被其日式麵店风格所吸引。

 

 

鹤亀

地址:汉口道19-21号汉宜大厦地下L号舖

电话:5115 8979

营业时间:星期日至四 11am-10pm

星期五至六 11am-11pm

 

相关阅读: